«Միասնության թեւեր» կուսակցության անդամները քիչ առաջ ամփոփեցին կուսակցության արտահերթ համագումարի արդյունքները:
Կուսակցության անդամ Լիպարիտ Դրմեյանը հայտնեց, որ համագումարը 2 կարեւոր որոշում է կայացրել: Առաջին՝ հունիսի 7-ի խորհրդարանական ընտրություններին մասնակցության վերաբերյալ, ինչպես նաեւ հաստատել է կուսակցության ընտրական ցուցակում ընդգրկված երեսուն պատգամավորի թեկնածուների ցանկը:
Կարդացեք նաև
«Սովորական ընտրություններ չեն լինելու, այդ ընտրություններով որոշվելու է մեր երկրի ճակատագիրը: Մենք ստանձնել ենք այդ պատասխանատվությունը ու համոզված եմ՝ մեզ հեշտ օրեր չեն սպասվում, բայց այդ ճանապարհը հաղթահարելու ենք մեծ ոգեւորությամբ ու վերջում արձանագրելու ենք մեր հաջողությունը»,- ասաց Դրմեյանը:
«Միասնության թեւերին» միացած «Շանթ» դաշինքի նախագահ Շահեն Հարությունյանն էլ ասաց՝ սպասվող ընտրությունները մեր պետության ապագայի մասին են, արդյոք հայ մարդը շարունակելու է ապրել իր հայրենիքում. «Պետք է հստակ ձեւակերպենք մեր ապագայի նպատակը: Այստեղ ենք ոչ թե խոստումներ տալու, այլ հստակ ուղղություն առաջարկելու՝ ազգային ուղու, որը հիմնված է արժեքների, պատասխանատվության եւ պետական մտածողության վրա»:
Համագումարից հետո ելույթով հանդես եկան նաեւ «Միասնության թեւերի» վարչապետի թեկնածու Արման Թաթոյանը, կուսակցության այլ անդամներ:
Տեսանյութն ամբողջությամբ
