Ալբանիայի մայրաքաղաք Տիրանայում մեկնարկած հունահռոմեական ոճի ըմբշամարտի Եվրոպայի առաջնությունում այսօր պայքարի մեջ մտած Հայաստանի ազգային հավաքականի հինգ անդամներից 55 կգ քաշային Մանվել Խաչատրյանը և 77 կգ քաշային Մալխաս Ամոյանը կիսաեզրափակչում են։
Մանվելը պայքարն սկսել է քառորդ եզրափակչից և 7։3 հաշվով առավելության հասնելով Ուկրաինայի ներկայացուցիչ Իվան Ստեֆանսկիի նկատմամբ՝ այսօր երեկոյան կիսաեզրափակչում գոտեմարտելու է վրացի Վախթանգ Լոլուայի հետ։
Եվրոպայի քառակի չեմպիոն Մալխաս Ամոյանը արդեն երկու հաղթանակ է տոնել. առաջինը՝ Շվեդիայի ներկայացուցչի, երկրորդը՝ Ուկրաինայի ներկայացուցչի նկատմամբ։
Կարդացեք նաև
Ընդ որում, Ամոյանը մրցակիցների նկատմամբ առավելության է հասել չոր՝ համապատասխանաբար 4։0 և 10։0 հաշվով։ Քիչ հետո Ամոյանը եզրափակիչ անցնելու համար գոտեմարտելու է մոլդովացի Ալեքսանդր Գուտուի հետ։
Աշոտ ՀԱԿՈԲՅԱՆ



















































