«Այսօր Երևանում տեսակապով միացրեցին Ալիևին ու ինքը հաթաթա էր տալիս այն մարդկանց, ովքեր խոսում են մեր գերիների, արցախահայերի իրավունքների մասին։ Մի հարց ունեմ մեր քաղաքացիներին․ իրենք դրա հետ «օքե՞յ» են, Հայաստանում կա՞ որևէ մի մարդ, որը նորմալ է համարում, որ Ալիևը տեսակապով հանձնարարականներ տա»,- լրագրողների հետ զրույցում այս հարցադրումն արեց ԱԺ «Պատիվ ունեմ» խմբակցության ղեկավար Հայկ Մամիջանյանը՝ վստահեցնելով, որ շատերը համամիտ չեն սրա հետ։
Հիշեցնենք, ՀՀԿ-ն ևս ցույց էր կազմակերպել՝ Հայաստանում ԵՄ գագաթաժողովի մասնակիցներին ներկայացնելու Հայաստանում ժողովրդավարական հետընթացը, 50-ից ավելի քաղբանտարկյալների առկայությունը, Արցախի հարցի եւ արցախցիների վերադարձի իրավունքի մասին, նաեւ Բաքվում պահվող հայ ռազմագերիների մասի, Եկեղեցու վրա ճնշումների մասին բարձրաձայնելու համար։
Հայկ Մամիջանյանի գնահատմամբ, Նիկոլ Փաշինյանն ամեն ինչ անում է, որ Եվրոպական քաղաքական համայնքի 8-րդ գագաթնաժողովը ներկայացնի որպես իր քարոզարշավի մի մաս․ «Դրան աջակցում են նաև իր որոշ եվրոպական տերերը։ Մենք հավաքվել ենք նրա համար, որ դա թույլ չտանք»։
Կարդացեք նաև
«Ես մի բան գիտեմ, որ Հայաստանի քաղաքացիների ճնշող մեծամասնությունը համաձայն չէ Արսեն Թորոսյանի հայտարարության հետ՝ իրենց տարածքն է, ինչ ուզում են, թող անեն»,- ասաց Հայկ Մամիջանյանը՝ հավելելով, որ ԵՄ գագաթաժողովի ամբողջ իմաստը ժողովրդավարությունն է. «Բա գագաթաժողովի մասնակիցները չտեսնե՞ն ժողովրդավարությունը ո՞րն է»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
