Այսօր Արթիկում, երբ «Հայաստան» դաշինքի վարչապետի թեկնածու Ռոբերտ Քոչարյանը ավարտեց իր ելույթը՝ անցնելով հարցուպատասխանի, 7-ամյա մի տղա վերցրեց խոսափողը ու ասաց, որ ինքը 7 տարեկան է, զբաղվում է սպորտով, որը իրեն սովորեցնում է լինել ուժեղ և երբեք չհանձնվել։
«Ես ուզում եմ, որ մեր Հայաստանը լինի հզոր ու ուժեղ, ինչպես իսկական չեմպիոնը։ Հարգելի նախագահ, մենք սպասում ենք ձեր հաղթանակին, որպեսզի մենք՝ երեխաներս, մեծանանք անհոգ ու խաղաղ երկրում»,- ասաց փոքրիկը։ Ռոբերտ Քոչարյանը ծիծաղեց՝ ասելով, որ իր սերունդը երեխա ժամանակ այդքան համարձակ չէր։
Նա հարցրեց՝ ինչ տեսակի ըմբշամարտով է զբաղվում փոքրիկը, ծնողը պատասխանեց՝ ազատ ոճի ըմբշամարտով, արդեն երեք մեդալ ունի։ Ռոբերտ Քոչարյանն ասաց, որ ինքն էլ ազատ ոճի ըմբշամարտով է զբաղվել երկար ժամանակ, իր քաշային կարգում և տարիքայինում մրցումների ժամանակ առաջին տեղն է զբաղեցրել Արցախում։ Նա կանչեց փոքրիկին ու չափեցին ուժերը։
«Էս ինչ ա»,- ասաց Քոչարյանը՝ գովաբանելով երեխային։
Կարդացեք նաև
«7 տարեկանը գիտի, որ պայքարել է պետք, ուժ է պետք, կառավարությունում չգիտեն, ի՞նչ անենք։ Ես առաջարկում եմ այս երեխային մտցնենք մեր քարոզչական խմբի մեջ, միգուցե պաշտոնյաներին խելք սովորեցնեն մի քիչ»,- ծիծաղելով ասաց Ռոբերտ Քոչարյանը։
Նունե ԱՐԵՎՇԱՏՅԱՆ
