«Անկախ դիտորդ» դաշինքի ներկայացուցիչ, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի ֆեյսբուքյան գրառումը
«Անկախ դիտորդ» դաշինքում անընդունելի ենք համարում հանրային հիմնարկներում անձանց նկատմամբ (ընտրական կոնտեքստում) պարտադրանքն ու ռեպրեսիաները։
Նշված դեպքերից մի քանիսով հանցագործության մասին հաղորդումներ ենք ներկայացրել (այժմ էլ Հ1-ում Արման Թաթոյանի հրապարակածի մասով ենք ներկայացնում)։
Չի կարող «վերևից» ներքև քարոզարշավին կամ հավաքին մասնակցելու հանձնարարություն տրվել։ Դա անողները պետք է երկար տարիներ բանտում անցկացնեն՝ ՔՕ 211-րդ և 236-րդ հոդվածներով։
Կարդացեք նաև
Մենք նաև ունենք արժանահավատ ահազանգեր ընդդիմադիր թեկնածուների ընտանիքի անդամներին հանրային հիմնարկներում աշխատանքից ազատման վերաբերյալ։ Դա, ևս, խիստ անթույլատրելի, ապօրինի խայտառակություն է, որի դեմ պետք է պայքարել։
Նման դեպքերի մասին ապացուցողական փաստերի դիմաց պատրաստ ենք վճարել 500 հազար դրամ ու, անհրաժեշտության դեպքում, տրամադրել իրավաբանական աջակցություն՝ գաղտնի պահելով տեղեկատվության աղբյուրը։
«Անկախ դիտորդ» դաշինք
