«Նիկոլից հետո ՔՊ-ի մարմնացումը Թալինի քաղաքապետն է: Եկեղեցու դեմ հարձակվող, հայրենակիցների դեմ հարձակվող, ամեն օր ճամբար փոխած: 30 տարվա մեջ իր գերդաստանով 1000 տեր փոխեցին. մեկ Լեւոնի կողմն էին, մեկ Լեւոնի դեմ էին, մեկ սրա կողմն էին, մեկ սրա դեմ էին»,- այսօր Սյունիքի մարզում սյունեցիների հետ հանդիպման ժամանակ ասաց «Հայաստան» դաշինքի պատգամավորի թեկնածու Գեղամ Մանուկյանը:
Նա հիշեցրեց Թալինի ՔՊ-ական քաղաքապետ Տավրոս Սափեյանի՝ արցախցի կնոջն ուղղված կշտամբանքն ու ասաց, որ այդ հայտարարության մեջ ՔՊ-ի քաղաքականությունն է արտացոլված. «Ասում է ՝Հայաստանը թողնելու, գնալու ես: Սա հայի ու ոչ հայի տեսակն է, եւ ձեր ընտրությունը այս երկու տեսակի մեջ է լինելու…ընտրությունը լինելու է՝ Հայաստանը վերադարձվո՞ւմ է հայ տեսակի իշխանության, թե՞ Հայաստանը թողնում եք թշնամու ձեռքը մնա: Այլ ընտրություն չկա: Ոնց որ Սեւ լճի մոտ ծածկադմփոց արեցին, թե ոչ մի բան չկա, ամեն ինչ նորմալ է: Ոնց առավոտից քեֆ, ուրախություն արեցին, համերգ, ուտել, գառան խաշլամա, որ մարդկանց ուղեղից հանեն, որ Իշխանասարի գլխին թուրքը նստած է»:
Կարդացեք նաև
Արփինե ՍԻՄՈՆՅԱՆ
