ՔՊ վարչության նիստից հետո լրագրողների հետ ճեպազրույցում Նիկոլ Փաշինյանն ասաց, որ իր և դեռևս գործող ԱԺ նախագահ Ալեն Սիմոնյանի միջև անձնական խնդիր չկա։
Հիշեցնենք, որ ՔՊ-ն փակ գաղտնի քվեարկությամբ ԱԺ նախագահի թեկնածու է ընտրել Ռուբեն Ռուբինյանին։
Հարցին, թե Ալեն Սիմոնյանը խորհրդարանո՞ւմ է շարունակելու իր աշխատանքը՝ որպես պատգամավո՞ր, Նիկոլ Փաշինյանը պատասխանեց․ «Կքննարկենք, ինքն էլ որոշում կկայացնի, թիմն էլ որոշում կկայացնի։
Մենք մեր կարծիքները կհամադրենք, կքննարկենք, կտեսնենք։ Բայց ես կարծում եմ, որ շատ կարևոր է, որ մենք ոչ միայն ունենանք այդ կարգավիճակում գտնվող անձինք, այլև նախկինում այդ կարգավիճակում գտնվող անձինք, որովհետև դա, ի վերջո, փորձ է։ Այս պահին մեր թիմում ԱԺ երկու նախկին նախագահ կա, նախկին նախարարներ կան, նախկին փոխվարչապետ կա և այդպես շարունակ։ Դա քաղաքական կապիտալ է, որը ես շատ կարևոր եմ համարում»։
Կարդացեք նաև
Հարցին, թե իր և Ալեն Սիմոնյանի միջև որևէ անձնական խնդիր չկա՞, Նիկոլ Փաշինյանը պատասխանեց․ «Իմ ու Ալեն Սիմոնյանի մի՞ջև, ոչ, բացարձակ չկա»։
Ռոզա ՀՈՎՀԱՆՆԻՍՅԱՆ
