ԱԺ նախագահի թեկնածու է ընտրվել Ռուբեն Ռուբինյանը, այս մասին «Քաղաքացիական պայմանագրի» վարչության նիստից հետո լրագրողներին հայտնել է վարչապետ Նիկոլ Փաշինյանը:
«Քննարկման և փակ-գաղտնի քվեարկության արդյունքում Ազգային ժողովի նախագահի թեկնածու է ընտրվել Ռուբեն Ռուբինյանը»,- նշել է Փաշինյանը:
Լրագրողների հետ զրույցում Ռուբեն Ռուբինյանն էլ ասել է.
Կարդացեք նաև
«Շոյված եմ արդյունքից և վստահությունն ինձ համար շատ պարտավորեցնող է: Չեմ կարող ասել, որ ինչ-որ բան պետք է ավելի լավ անեմ, քան նախորդ նախագահը կամ մյուս թեկնածուները: Ես կարծում եմ, որ պարոն Սիմոնյանը շատ լավ Ազգային ժողովի նախագահ է եղել և պարոն Կոնջորյանը փայլուն խմբակցության ղեկավար է եղել»:
Ըստ մամուլի հրապարակումների՝ ԱԺ նախագահի աթոռի համար պայքարում էին երեք թեկնածուներ՝ գործող խորհրդարանի խոսնակ Ալեն Սիմոնյանը, փոխխոսնակ Ռուբեն Ռուբինյանը և խմբակցության ղեկավար Հայկ Կոնջորյանը։
Լրատվամիջոցների հարցին ի պատասխան, ՔՊ վարչության փոխնախագահ Վահագն Ալեքսանյանն էլ հայտնել է, թե արդեն առաջադրվել է ԱԺ փոխնախագահի պաշտոնի համար։
