ԱԺ «Քաղաքացիական պայմանագիր» խմբակցության ղեկավարի թեկնածու Արթուր Հովհաննիսյանը չի շտապում գնահատել իր ընտրվելու շանսերը։ Իսկ այն հարցին, թե ինչու պետք է հենց իրեն ընտրեն խմբակցության ղեկավար, պատասխանեց՝ կատարված աշխատանքի համար։
«Այս պահին նման գնահատականներ չեմ հնչեցնի։ Ում վարչությունը ճիշտ կհամարի, նա էլ կընտրվի։ Երկուսս էլ գործընկերներ ենք»,- այսօր լրագրողների հետ զրույցում ասաց Հովհաննիսյանը՝ պատասխանելով հարցին, թե, իր կարծիքով, ինքն է ընտրվելու, թե խմբակցության ղեկավարի մյուս թեկնածուն՝ Արուսյակ Մանավազյանը։
Այսօր «Քաղաքացիական պայմանագիր» կուսակցությունը վարչության նիստ է հրավիրել, որի ընթացքում կքննարկվի ԱԺ խմբակցության ղեկավարի թեկնածության հարցը։ Թեկնածուներն են Արթուր Հովհաննիսյանն ու Արուսյակ Մանավազյանը։
Ի դեպ, թեեւ վարչության նիստը դեռ չի ավարտվել, սակայն Արթուր Հովհաննիսյանն արդեն հեռացել է նիստից՝ բոլորից շուտ դուրս գալով:
Կարդացեք նաև
ՔՊ վարչության նիստն ավարտվեց ու խմբակցության ղեկավարի թեկնածու ընտրվեց Արուսյակ Մանավազյանը: Այս մասին լրագրողներին ասաց Նիկոլ Փաշինյանը:
Արփինե ՍԻՄՈՆՅԱՆ
