ՖԻՖԱ-ն պաշտոնապես հաստատել է, որ կարգապահական վարույթ է սկսել Արգենտինայի հավաքականի մասնակցությամբ եզրափակիչից հետո տեղի ունեցած միջադեպերի առնչությամբ։
-
- ՖԻՖԱ-ի Կարգապահական կոմիտեն պաշտոնապես հետաքննություն է սկսել Արգենտինա–Իսպանիա աշխարհի առաջնության եզրափակիչից հետո խաղադաշտում տեղի ունեցած զանգվածային բախման վերաբերյալ։
- ՖԻՖԱ-ն հայտնել է, որ նշանակվել է կարգապահական և էթիկայի հարցերով դատախազ (prosecutor), որը կուսումնասիրի միջադեպի բոլոր հանգամանքները և կգնահատի՝ արդյոք խախտվե՞լ է ՖԻՖԱ-ի կարգապահական օրենսգիրքը։
- Հետաքննության առանցքում են հատկապես եզրափակիչ սուլիչից հետո տեղի ունեցած բախումները, որոնց ընթացքում Լեանդրո Պարեդեսը ներգրավվել էր Էրիկ Գարսիայի, Գավիի և այլ իսպանացի ֆուտբոլիստների հետ քաշքշուկում։
Տեսանյութերի մի քանի ռակուրսների համադրությամբ միջադեպի ժամանակագրությունը հետևյալն է.
1.Վերջնական սուլիչը հնչում է, և Իսպանիայի պահեստայիններն ու մարզիչները վազում են խաղադաշտ՝ սկսելու չեմպիոնության տոնակատարությունը։ Արգենտինայի ֆուտբոլիստները ծանր են տանում պարտությունը, մանավանդ որ խաղի ավարտին արդեն մնացել էին 10 հոգով՝ Էնցո Ֆերնանդեսի հեռացումից հետո։
Կարդացեք նաև
2.Առաջին բախումը տեղի է ունենում, երբ արգենտինացի պաշտպան Նաուել Մոլինան բախվում է տոնելու վազող Ռոդրիին։ Ռոդրին շրջվում է, սկսվում է վիճաբանություն, որին միանում են Էրիկ Գարսիան և Բորխա Իգլեսիասը։
3.Լեանդրո Պարեդեսը, որը սկզբում հեռու էր, արագ մոտենում է վիճաբանությանը և հրում է Էրիկ Գարսիային։ Այդ պահին արդեն երկու թիմերից մի քանի խաղացողներ վազում են դեպի միջադեպի կենտրոն։
4.Գավին (որը պահեստայինների նստարանից էր դուրս եկել) նույնպես փորձում է միջամտել։ Գավին հավասարակշռությունը կորցնում է և ընկնում է խոտածածկին՝ ընդհանուր քաշքշուկի ընթացքում։ Տարբեր տեսանկյուններից երևում է, որ դա զանգվածային հրում-քաշքշոցի հետևանք էր, ոչ թե մեկ հստակ հարվածի։
5.Քաշքշուկի ընթացքում Պարեդեսը շարունակում է վիճաբանությունը Գավիի և Էրիկ Գարսիայի հետ։ Հեռուստախցիկներն արձանագրում են նաև, որ նա ձեռքով բռնում է Գավիի պարանոցի հատվածը, ինչից հետո մյուս ֆուտբոլիստներն ու թիմերի ներկայացուցիչները միջամտում են։
6.Լիոնել Սկալոնին անմիջապես մտնում է խաղադաշտ, իր խաղացողներին հեռացնում բախման վայրից և փորձում հանդարտեցնել իրավիճակը։ Այնուհետև նա մոտենում է Իսպանիայի գլխավոր մարզիչ Լուիս դե լա Ֆուենտեին, նրանք գրկախառնվում են, և լարվածությունը աստիճանաբար մարում է։
7.Դեպքից հետո մրցավարը կարմիր քարտ է ցույց տալիս Լեանդրո Պարեդեսին, իսկ Իսպանիայի ֆուտբոլիստները շարունակում են աշխարհի չեմպիոնության տոնակատարությունը։
Լրատվամիջոցների փոխանցմամբ՝ հնարավոր պատժամիջոցների թվում կարող են լինել.
- առանձին ֆուտբոլիստների որակազրկումներ,
- դրամական տուգանք,
- Արգենտինայի ֆուտբոլի ասոցիացիայի նկատմամբ կարգապահական միջոցներ՝ կախված հետաքննության արդյունքներից։
Սա արդեն երկրորդ կարգապահական գործընթացն է, որ ՖԻՖԱ-ն սկսել է Արգենտինայի հավաքականի նկատմամբ այս աշխարհի առաջնության ընթացքում. ավելի վաղ քննություն էր սկսվել Անգլիայի դեմ կիսաեզրափակիչից հետո «Las Malvinas son Argentinas» («Մալվինյան/Ֆոլքլենդյան կղզիները Արգենտինայինն են») քաղաքական բովանդակությամբ պաստառի ցուցադրման կապակցությամբ։
