«Երկաթուղու հետ կապված մեր դիրքորոշումը շարունակում է մնալ նույնը, դա մեր սեփականությունն է, եւ ՀՀ-ն պետք է հնարավորություն ունենա այդ երկաթուղին օգտագործել այնպես, ինչպես ինքը նպատակահարմար է գտնում։ Ես ուզում եմ շատ հստակ լինել այս հարցով՝ այլընտրանք չկա սրան։ Այդ հարցը պետք է լուծվի»,- այսօր լրագրողների հետ ճեպազրույցում ասաց Նիկոլ Փաշինյանը։
Նա հավելեց․ «Մենք ուզում ենք բարեկամական ձեւով այդ խնդիրը լուծել, բայց նաեւ կարող է հարց ծագել, որ մենք դե յուրե որոշումներ կայացնենք։ Եթե անհամաձայնություն կա, կգնանք, արբիտրաժում կքննարկենք»։
Մանրամասները՝ տեսանյութում
Կարդացեք նաև
Ավելի վաղ Նիկոլ Փաշինյանը հայտարարել էր, որ ռուսական կողմի հետ պայմանագրի միակողմանի խզման լծակը ՀՀ-ն ունի, բայց չեն ուզում գնալ այդ ճանապարհով։ Նիկոլ Փաշինյանն այս տարեսկզբին հայտարարել էր․ «Լուծումն այն է, որ երկաթուղու կոնցեսիոն կառավարման իրավունքը Ռուսաստանից գնի ՌԴ եւ ՀՀ հետ բարեկամական հարաբերություններ ունեցող մի երկիր»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Լուսանկարը՝ արխիվային
