Ադրբեջանի արտգործնախարար Ջեյհուն Բայրամովի՝ Ուկրաինա կատարած առաջին այցի ընթացքում քննարկել ենք երկկողմ և միջազգային օրակարգի առանցքային հարցեր, այդ թվում՝ տարածաշրջանային անվտանգությունը, տևական խաղաղության հասնելուն ուղղված ջանքերը, տնտեսական և էներգետիկ համագործակցությունը, ինչպես նաև Ուկրաինայի վերականգնման գործում Ադրբեջանի կարևոր ավանդը։ Այս մասին հայտնել է Ուկրաինայի արտգործնախարար Անդրիյ Սիբիհան։
«Այսօրվա հանդիպումը ևս մեկ կարևոր քայլ է նշանավորում Ուկրաինայի և Ադրբեջանի միջև ռազմավարական գործընկերության հետագա ամրապնդման ճանապարհին։ Մեր երկխոսությունը մնում է ակտիվ և բովանդակալից։ Այն հիմնված է բարձր մակարդակի կանոնավոր շփումների, գործնական համագործակցության և երկկողմ օրակարգի ընդլայնմանն ուղղված ընդհանուր հանձնառության վրա։
Ես շնորհակալություն հայտնեցի Ադրբեջանին Ռուսաստանի լայնամասշտաբ ներխուժման առաջին իսկ օրերից ցուցաբերած հումանիտար օգնության համար, մասնավորապես՝ Ուկրաինայի էներգետիկ կայունությանն աջակցելու, կրիտիկական ենթակառուցվածքների վերականգնման և վերականգնողական աշխատանքներում ներդրած ավանդի համար։
Ուկրաինան բարձր է գնահատում մեր ինքնիշխանությանն ու տարածքային ամբողջականության հանդեպ Ադրբեջանի անշեղ աջակցությունը և հավասարապես հավատարիմ է Ադրբեջանի ինքնիշխանությանն ու տարածքային ամբողջականությանն աջակցելուն։ Վստահ եմ, որ մեր բարեկամությունը, փոխադարձ վստահությունն ու ռազմավարական գործընկերությունը հետագայում ևս կաճեն՝ ի շահ մեր երկրների և ժողովուրդների», — նշել է Սիբիհան։
Կարդացեք նաև
Թարգմանությունը՝ news.am-ի:
