«Ես պոեզիայի մեծ մասնագետ չեմ, բայց կարծում եմ՝ եթե դուք ինչ-որ բանից դժգոհում եք, արժի, որ դա չանեք։ Ձեր շարքերում էլ կան պոեզիայի սիրահարներ, որոնք վախենում են այստեղ բան ասել, բայց գնում, ծածուկ պոետիկ բաներ են հրապարակում։ Եթե դա ձեզ համար նորմալ է, ուրեմն պետք է պատրաստ լինեք դուք էլ լսեք հարուստ պոեզիա»,- ԱԺ նիստին միջամտեց ԱԺ նախագահ Ռուբեն Ռուբինյանը՝ անդրադառնալով ընդդիմադիր պատգամավորների՝ ՔՊ-ական Գարիկ Սարգսյանի՝ ԱԺ ամբիոնից հնչեցրած «թքած ունենալու» մասին բանաստեղծությանն ուղղված նկատողություներին։
Ռուբեն Ռուբինյանն առաջարկեց պոեզիան թողնել պոետներին և զբաղվել ելույթներով․ «Առաջարկում եմ անցնել բովանդակային քննարկման։ Արդեն այս նիստերը հին թվերի Ալֆրեդի սենյակի են վերածվում, եթե ձեզ դուր չի գալիս պոեզիան, որը կարող է ասոցացվել տարբեր բաների հետ, զսպեք ձեր միջի պոետներին և ոչ միայն պոետներին»։
ԱԺ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
