«Այն, ինչ այսօր կատարվում է, դուրս է գալիս մարդու իրավունքների եւ քաղաքական հետապնդումների տրամաբանությունից։ Մենք այստեղ գործ ունենք հայկական պետականության կազմաքանդման ուղղություններից մեկի հետ։ Եվ սա իրականացվում է ոչ միայն ՔՊ-ական վարչախմբի եւ նրա պարագլխի ղեկավարությամբ, այլեւ համագործակցաբար թուրք-ադրբեջանական եւ միջազգային տարբեր ուժերի, նաեւ Եվրոպայի իշխանությանը ղեկին գտնվող գլոբալիստական ուժերի կողմից»,- այսօր հրավիրված ասուլիսում ասաց ԲՀԿ առաջնորդ Գագիկ Ծառուկյանի աջակցության հանրային խորհրդի անդամ, ՀՅԴ անդամ Բագրատ Եսայանը։
Նա նշեց, որ աշխարհաքաղաքական շահերի բախման կիզակետը բերվել է Հայաստան, եւ քաղաքական հետապնդումներն իրականացվում են այդ տրամաբանությամբ։ «Քաղաքական հետապնդումներն իրականացվում են Հայաստանի եւ Ադրբեջանի իշխանությունների կողմից սինխրոնիզացված։ Այն հետապնդումները, որոնք կազմակերպված են Հայաստանում եւ այն հետապնդումները, որոնք կազմակերպված են Բաքվի բռնապետական իշխանության կողմից, նույն տրամաբանության մեջ են»,- հավելեց նա։
Մանրամասները՝ տեսանյութում
Կարդացեք նաև
Բագրատ Եսայանը նշեց, որ այսօր եվրոպական իշխող էլիտաներն այն կապիկների դերում են, որոնք խուլ, համր եւ կույր են ձեւանում այն ամենի հանդեպ, ինչ կատարվում է Հայաստանում։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
