«Դա լիազոր մարմինն է, իրենք հետաքննում են, իրենք էլ որոշում են»,- այսօր ԱԺ-ում լրագրողների հետ ճեպազրույցում ասաց ԱԺ Հանրապետական խմբակցության ղեկավար Գալուստ Սահակյանը՝ անդրադառնալով Սյունիքի նախկին մարզպետ Սուրիկ Խաչատրյանի որդու եւ թիկնապահի ազատ արձակմանը վերաբերվող հարցին:
Հիշեցնենք, որ վերջիններս կալանավորվել էին հունիսի մեկին մարզպետի տան մոտ տեղի ունեցած ողբերգական իրադարձություններից հետո, ինչի արդյունքում զոհվեց Ավետիք Բուդաղյանը:
Լրագրողներից մեկը հարցրեց`Խաչատրյանին անիմաստ հանեցիք մարզպետի պաշտոնից, եթե ցանկանա հետ գալ, կնշանակե՞ք մարզպետ, Սահակյանը պատասխանեց. «Ամեն ինչ հնարավոր է, անմեղներ ու մեղավորներ չեն լինում, մենք մարդկային հասարակություն ենք և պիտի այդ ամեն ինչը քննության առնենք: Նայած թե ինչ մտավոր կարողություն ունեն մարդիկ, այնպես էլ դատողություններ են անում: Ես չեմ ուզում մտնեմ դատաիրավական համակարգ»:
Ամեն դեպքում, Սահակյանը կարծում է, որ «հետաքննող մարմինները կորոշակիացնեն իր նման մոտեցումը»:
Կարդացեք նաև
Նա նկատեց նաեւ, որ հետաքննությունն առաջ է գնում. «Էնպես չի, որ գործը կարճվել է: Պարզապես խափանման միջոց է փոխվել: Լավ մասնագետ չեմ, էդքան չգիտեմ»:
Նելլի ԳՐԻԳՈՐՅԱՆ
