«Հարմոնիա» հոգեբանության հանրային զարգացման կենտրոնը եւ Սփյուռքահայ ուսանողների խորհուրդը շարունակում է «Ականջդ բեր ասեմ» խորագրով հանդիպումների շարքը: Այսօր՝ ապրիլի 15-ի հյուրն էր ճանաչված դերասան` Նարեկ Դուրյանը:
Aravot.am-ը նրանից հետաքրքրվեց, թե ինչ կարծիքի է Քիմ Քարդաշյանի այցի հետ կապված իրարանցման վերաբերյալ: «Այսքան շուխուռը ժողովրդական լեզվով ասած խոսում է մեր պրովինցիալիզմի մասին, պատկերացնում ե՞ք ինքը գար Ֆրանսիա, երեւի ոչ ոք չիմանար…Պարզապես սկսած այն բանից, որ ինքը 300 մլն մարդու վրա կարող է «դուրս գալ» ԱՄՆ-ում եւ լուսաբանել ջարդը, դա միայն դրական է, 300 մլն ամերիկացու համար խելքս չի գնում, բայց ինքը կարողանում է ստիպի, որ այդ մասին խոսեն»,-ասում է Նարեկ Դուրյանը:
Նա զարմանում է, որ մինչ օրս հայերը այդպես էլ չկարողացան դիվանագետ լինել, մերժում են այս կամ այն ազգին ու երկիրը, փոխանակ առաջնորդվեն Հայաստանի շահերերով: Նարեկ Դուրյանը մեծագույն հարգանք տածելով ազգային ու հայոց լեզվի մասին, զարմացած է, թե ինչու փակեցին, օրինակ, ռուսական դպրոցները, կամ «պուլտը» ինչու են թարգմանել «հեռակառավարման վահանակ»:
Կարդացեք նաև
«Ռուսական դպրոցներ չկան, բայց փոխարենը Ճարտարապետական պոռնոգրաֆիա են ստեղծում, ռաբիզն էլ ֆիլհարմոնիայից չի պակասում»,-հավելում է նա; Նարեկ Դուրյանն ասում է, որ շատերը լավ հայերեն թելադրություն գրելը հավասարեցրել են հայրենասիրությանը: Նա նաեւ տարակուսանքով է վերաբերվում արվեստագետներին տրվող կոչումներին, ասում է՝ լսարանն է որոշում, թե ինչ կոչում ունես: Արվեստագետը այս առիթով մի դրվագ հիշեց՝ երբ շքանշան էր իրեն շնորհվել, հայրը՝ մեծանուն Օհան Դուրյանը կատակել էր. «Տղաս ուշադրություն դարձրու՝ այն մեդալը, որ ետ տվի, նորեն քեզ չտան»:
Գոհար ՀԱԿՈԲՅԱՆ
Իսկ Դուրյանի անճաշակ ու տափակ ՛՛հումոր՛՛-ը հանդուրժելը մի՞թե պրովինցիալիզմ չէ…
անիմաստ, ինքնահաճ կարծիքներ
Նարեկ Դուրյան ամենացայտուն օրինակներից մին է՝ ցած մակարդակի, անվայել, լոկ առեւտրական «արուեստի», զորս յաջողում են – բառացիօրէն – ծախել հայ ժողովուրդին
Դոն Ժուան Ավիա՝ ամօ՛թ ՝
https://hetq.am/arm/news/25445/don-zhuan-aviaamo%D5%9Bt.html
Հ.Շ., Գանատա
ասում է ՝ «պատկերացնում ե՞ք ինքը [Քիմ Քարդաշյան] գար Ֆրանսիա, երեւի ոչ ոք չիմանար…»
իրապե՞ս, Բարոն Դուրյան…
ահա Քիմ Քարդաշյանը, Ֆրանսիայի մայրաքաղաքում՝
https://www.youtube.com/watch?v=yFI5to-CPiw
https://www.youtube.com/watch?v=iP6qnRYaPkc
https://www.youtube.com/watch?v=bUXy7XwCNP4
https://www.youtube.com/watch?v=PsCweUmgSx0
https://www.youtube.com/watch?v=7Igw_96tMGE
ևայլն…
Հայաստանում, շատ աւելի զուսպ եւ կրթյալ էր ժողովուրդը…
Նարեկ Դուրյանի հումորը հենց պրովինցիալիզմի դեմ է…:
Իսկ Դուրյանը մեր նման գեղացի չի. տեսե՛ք, «պրովինցիալիզմ»ի պես զարգացած բառեր է օգտագործում:
Գարեգին ,շատ շնօրհակալւթիւն, ի՜նչ հաչւիքօվ եվ հպարտւտըյամբ նայեցի զեր նշաց բօլօր լինքերը․ ” երեւի ոչ ոք չիմանար”․լրիվ հակադարզվեց․
Դժբախտաբար կան անհատներ, որ իրենց «միջակութիւնը» քողարկելու համար դիմում են տեղի անտեղի ուրիշների վրայ հարձակուելով, ենթադրելով, որ ժողովուրդը կը հիյանայ իրենց այսպէս կոչուած «քաջութեամբ» եւ կը մոռանայ նրանց «կէս անգրագիտութիւնը»:
Բայց, Ժողովուրդը հօ իրենց մակարդակին չի …..