Aravot.am-ին հայտնի դարձավ, որ երեկ ուշ ժամի մայրաքաղաքի Վարդանանց փողոցում սպանված «Անելիք բանկի» իրավաբանական ծառայության պետ, 32–ամյա Հովհաննես Աթանյանը գյումրեցի է, նա Սյունիքի մարզի ընդհանուր իրավասության դատարանի նախկին դատավոր Աթանյան Լեռնիկի որդին է: Նշենք, որ դատավորն այս տարվա մարտի 26-ին դարձել է 65 տարեկան.թոշակի է անցել ու գրեթե մշտապես բնակվում է Գյումրիում:
Հայրական տունը Գյումրիում է, սակայն որդին աշխատում ու ապրում էր Երեւանում: Նշենք, որ, ճանաչողները նրան բնութագրում են որպես խելացի ու կիրթ անձնավորության: Նա ունի երկու մանկահասակ երեխաներ:
Հիշեցնենք, որ ըստ shamshyan.com-ի, վերջինիս վրա մահացու կրակոցներ արձակողը սպիտակ ВАЗ 2107 մակնիշի դեղին համարանիշներով ավտոմեքենայով դիմել է փախուստի, սպանության պատճառի մասին պաշտոնապես դեռ ոչինչ չի ասվում:
Նունե ԱՐԵՎՇԱՏՅԱՆ
