Ինչո՞ւ:
Գործ չկա:
Իսկ դու ինչ կարող ես անել, ինչպիսի՞ աշխատանք կցանկանայիր…
Սովետի վախտով լավ գործի էի…
Կարդացեք նաև
Կարծում եմ, շարունակելու հարկ չկա, ավելի քան պարզ է՝ գողանում էր:
Իսկ հարցը, թե ի՞նչ աշխատանք կարող է անել, մնաց անպատասխան:
Հոգ չէ, (10-15 ) րոպե տևող ուղևորությունը բավական է, որպեսզի պարզենք, թե «լավ» կյանք ակնկալող մեր տաքսու վարորդը ինչի է ընդունակ.
1.Բարև Ձեզ, շնորհակալություն, խնդրեմ… բառերը նրա բառապաշարում չկան, ծառայությունը մատուցում է «Ճշտով»…
2.Մանրադրամով տուփ մեքենայի մեջ չենք տեսնում, բոշությունն առկա է:
3.Ուղևորներին սպասարկում է ոչ սափրված վիճակում, հողաթափերով ու հնամաշ շորերով, սոցիում ասածի մեջ ինտեգրվելու ցանկություն չունի:
4.Ծխում է ու ծխախոտի մնացորդը մեքենայի լուսամուտից դուրս նետում, բացահայտվում է թաքնված չարությունը:
5.Խոսում է փողոցի լեզվով, զազրախոսությամբ փորձում զրուցակցին ճնշման տակ պահել, առաջնորդվում է ուժի գերակայության սկզբունքով՝ տիպիկ բնազդային գոյապայքար:
6.Անցումներում հետիոտնին չի զիջում ճանապարհը և, օտարի կյանքի անվտանգության հանդեպ իր անտարբերությամբ ի ցույց դնում սեփական տեսակի առավելությունը՝ խորը բարդույթ:
7.Բողոքում է իր երկրից ու ապացուցում, թե որքան լավ է Ռուսաստանում ապրելը: Պատրաստ է գաղթական-հպատակի կարգավիճակով ծառայել ռուսին, բայց սեփական հայրենիքում տեր դառնալու համար զլանում է տքնել՝ ուրիշի հաշվին ապրելու ցանկություն:
Թույլ տվեք այստեղ էլ կանգ առնել և մոտ հինգ տասնյակի հասնող նման դիտարկումներիս անդրադառնալ հետագայում, երբ վարորդների համար վարվելակերպի դասընթացներ կկազմակերպենք:
Եվ այդ մարդիկ համոզված են, որ ՀՀ-ում գործ չկա: Միգուցե գործ անո՞ղ չկա: Բայց դրանում նրանց չես համոզի… Նման վարքագծով նրանք ձգտում են ավելի լավ կյանքի: Լավ կյանքն էլ Ռուսաստանում է…
Աստված սիրեք, գնացեք, «երջանկացեք»… գոնե մի բալաստ կպակասի:
Ինչ-որ շատ կարեկցեցինք հայրենիքը լքողներին: Իսկ ո՞վ պետք է մտնի հայրենիքը կյանքի գնով պաշտպանող մեր երիտասարդների դրության մեջ:
Վարորդները սեփական երկրից դժգոհող սոցիալական խմբերից ընդամենը մեկն են: Ցավն այն է, որ մեր հասարակության մնացյալ խավերի ներկայացուցիչներն էլ չեն գիտակցում, որ ինքնաբավ կյանքով ապրելու նախապայմանը օրինապահ քաղաքացի լինելն է:
Արդյունքում վարորդների փոխարեն ունենք «գռդոնչիներ», մանկավարժների փոխարեն՝ ընտրակեղծարարներ, մտավորականների փոխարեն՝ «տրեխավոր» գիտնականներ, բժիշկների փոխարեն՝ «пас» տվողներ, ոստիկանների փոխարեն՝«գլխին սարքողներ», ՀՀ արվեստը ներկայացնում են ռաբիսները, օրենքները գրում են տգետները …
Այս ամենը փաստելուց հետո լրիվ ընկալելի է դառնում նրանց հարցապնդումը՝ «Է, որ «Սասնա ծռեր» ջոկատը գրավեց ՊՊԾ գունդը, դրանից ի՞նչ օգուտ, մեկ ա բան չի փոխվի»:
Կփոխվենք մենք՝ կփոխվի մեր երկիրը:
Որդեգրեք «Սասնա ծռեր» -ի արժեքները, որ նա դառնա ՀՀ գերագույն իշխանություն:
Օրը սկսեք ժպիտով, իսկ երեկոյան, մինչ ձեր եկամուտը հաշվելը, մտաբերեք, թե քանի անգամ եք արտաբերել ՇՆՈՐՀԱԿԱԼ ԵՄ բառը…
Վահագն Կոզմոյան
== Արդյունքում վարորդների փոխարեն ունենք «գռդոնչիներ», մանկավարժների փոխարեն՝ ընտրակեղծարարներ, մտավորականների փոխարեն՝ «տրեխավոր» գիտնականներ, բժիշկների փոխարեն՝ «пас» տվողներ, ոստիկանների փոխարեն՝«գլխին սարքողներ», ՀՀ արվեստը ներկայացնում են ռաբիսները, օրենքները գրում են տգետները … ==
Հարգելի հեղինակ, ընդհանուր առմամբ համամիտ եմ, սակայն խնդիրն այն է, թե ինչի՞ արդյունքում…
Եթե նկատի ունեք Ձեր նշած 7 կետերը և մի քանի հարակից մտքեր, ապա դրանք ոչ թե պատճառներ են, այլ՝ ընդամենը հետևանք, իսկ գնացողներին քլնգելուց առաջ, լավ կլիներ մնացողների հալը հարցնեիք…
Կարճ ասած՝ թիրախը, որ արատավոր համակարգի և ՛՛տրեխավոր՛՛ ղեկավարների ՛՛գերի՛ն՛՛ է, սխալ է ընտրված: Դրանով Դուք արդարացնում եք այն անկուշտ ճամարտակներին, որոնք երկրի ղեկավարման լծակներն են բանեցնում:
2.Ճիշտ է մեկնաբանված,չեն օգնում տրեխավորներից ազատվենք,ընտրակաշառքը դնում են գրպանները եւ մեզ 5 տարի գցում կրակը:Եւ նորից եւս 5 տարի ու կյանքս վերջացավ:Իրենք էլ հավաքվում են ու գնում:Ես եւ ինձ նման մարդիկ ուզում ենք մեր երկիրը դարձնել «ապրելու տեղ», չամաչել անգրագետ «ղեկավարներից» … :Ինչու այսպիսիների ձեռքից տուժեն եւ զտարյուն հայերը,եւ ՀԱՅԱՍՏԱՆՍ:Վարորդի ձեւվով ասած՝ էս թրքարյուն «հայերը»երկիրը задни են դրել:
Պարզվում է’ սխալ էի հասկացել մեծն Սևակի խոսքը’ ՄԵՆՔ ՔԻՉ ԵՆՔ, ՍԱԿԱՅՆ ՄԵԶ ՀԱՅ ԵՆ ԱՍՈՒՄ: Նա ի նկատի ունի հայերի մեջի ՀԱՅԻՆ: Շնորհակալություն, պրն Վահագն Կոզմոյան: