Երեւանի պետական համալսարանի ռեկտորը ԼՂՀ պաշտպանության նախարար Սամվել Բաբայանի հետ հանդիպման ավարտին «շիրա էր տալիս» բարձրաստիճան զինվորականին, որ վերջինս վատ բաներ ասի «Առավոտ» թերթի մասին: Ինչ խոսք, պրն Մարտիրոսյանը դրսեւորեց ազգային մտավորականին եւ մայր բուհի ղեկավարին միանգամայն համապատասխանող կեցվածք:
Արամ Սարգսյանը
Լեռնային Ղարաբաղի գլխավոր պաշտպան եւ, համատեղության կարգով, ՀՀ նախագահի արտաքին քաղաքականության գծով խորհրդական Արամ Սարգսյանը՝ «Ի պաշտպանություն ԼՂՀ-ի» համաժողովի կազմկոմիտեի անդամներով հանդերձ իր խորին բավարարվածությունը հայտնեց Հայաստանի իշխանությունների արտաքին քաղաքականությանը: Բնականաբար, կազմկոմիտեի անդամ Արամ Սարգսյանը համեստորեն չնշեց, որ այդ փայլուն քաղաքականությունը իրականացվում է, մասնավորապես, նախագահի խորհրդական Արամ Սարգսյանի իմաստուն խորհուրդների շնորհիվ:
Կարդացեք նաև
Սերգեյ Երիցյանը
Քաջարի երկրապահ Սերգեյ Ջանֆիդայի Երիցյանը հաճոյախոսեց իր հարազատ կուսակցության համագումարի պատվիրակներին եւ հյուրերին, որոնք, իր խոսքերով, այրվում են իրենց զավակների եւ թոռների համար: Հենց դրանում էլ կայանում է «Օրինաց երկրի» տարբերությունը այլ կուսակցություններից, որտեղ այրվում են պաշտոնների, «օբյեկտների» եւ տարբեր տրամաչափի պետերին դուր գալու համար:
ԱՐԱՄ ԱԲՐԱՀԱՄՅԱՆ
