Այսօր մարտի 22-ի գործով ձերբակալված Սամվել Բաբայանի անձնական ներկայացուցիչ Վարդան Թաշճյանի իրերը դուրս կհանվեն նրա զբաղեցրած բնակարանից, որը նրան տրամադրվել էր ՊԲ-ի կողմից։ Դուրս կհանվեն նաեւ «Արցախի արիներ» կազմակերպության իրերը։ Երեկ արդեն նախադեպը եղել էր՝ ՊԲ նախկին խոհարար Վագիֆ Հարությունյանի բնակարանը տրամադրվել է մի ազատամարտիկի այրուն։ «Հելսինկյան նախաձեռնություն- 92» կազմակերպության նախագահ Կարեն Օհանջանյանի բնակարանը, որը նրան տրվել էր պաշտպանության բանակի կողմից, ձեռքից վերցրել են։
«ՀԱՅՐԵՆՅԱՑ ՊԱՇՏՊԱՆ»
Արցախի պատերազմի վետերանների միության պարբերաթերթի անդրանիկ համարը՝ «Հայրենյաց պաշտպանը», լույս տեսավ օրերս։ Գլխավոր խմբագիրն է Կոմիտաս Դանիելյանը։ Այն սկսվում է քաղաքական հայտարարությամբ՝ դատապարտելով մարտի 22-ը։ Առաջին էջում տպագրված է ԼՂՀ դատախազության հաղորդագրությունը։
Կարդացեք նաև
ՏԵՂԱՇԱՐԺ
Ժողովրդի հերթական թշնամին Ստեփանակերտի «Էլեկտրացանց» ՓԲԸ-ի տնօրեն Վալերի Բալայանի (որին մեղադրանք էր առաջադրվել ԼՂՀ քր. օր.-ի 181 հոդվածի առաջին մասով) դատապաշտպանն է ՀՀ փաստաբանների միջազգային միության անդամ Էդիկ Աղաջանյանը։ Պրն Բալայանը գտնվում է քննչական մեկուսարանում։ Երեկ նրա կինը՝ Մանուշակ Տիտանյանը, հայտնեց, որ իրեն թույլատրվել է տեսակցել ամուսնու հետ, նրան սնունդ եւ թերթեր փոխանցել։ Ըստ տիկին Տիտանյանի՝ ապրիլի 20-ից հետո գործը, ամենայն հավանականությամբ, կմտնի դատարան։ Նախաքննությունը վարել է ԼՂՀ գլխավոր դատախազությունը։
ՌՈՒԶԱՆ ՄԻՆԱՍՅԱՆ
Ստեփանակերտ
