ԱԶԱՏԵՔ ԳԱՐՇԱՀՈՏ «ՀԱՃՈՒՅՔԻՑ» Կիլիկիա թաղամասն ունի երկու տեր՝ Շահումյան եւ Կենտրոն։ Բնակիչները շատ հարցերում շփոթվում են, թե ո՞ր թաղապետարանին դիմեն։ Կիլիկիա թաղամասի 2-րդ շենքի կոյուղին տարիներ շարունակ խցանվում է։ Բնակիչները դիմում են, վարպետները գալիս են, իբր թե վերանորոգում, գումարը վերցնում եւ գնում։ Օրեր հետո նույն պատմությունն է։ Եթե ձմռանը կոյուղուց դուրս հոսող աղտոտված ջրերը սառչում էին, շրջապատը աղտոտություն չէին տարածում, ապա գարնանը այդ ջրերը 2-րդ շենքից տարածվում եւ աղտոտում են 3-րդ, 4-րդ շենքերի բակերը։ Երեխաները զրկված են բակում խաղալու հնարավորությունից։ Աղտոտված ջրերի միջով քայլելն անհնար է։ Դիմում ենք քաղաքապետին՝ խնդրանքով. Կիլիկիա թաղամասի 1, 2, 3, 4 շենքերի բնակչությանը ազատել այդ գարշահոտ ջրերի «հաճույքից»։ Շենքի բնակիչների կողմից՝ ԳԱԼՈՒՍՏ ՆՈՒՐՈՒՄՅԱՆ
