![\"\"](\"https://www.aravot.am/2009/aravot_arm/September/2/p22.jpg\")
Երեկ լեհական Սոպոտ քաղաքում Ռուսաստանի վարչապետ Վլադիմիր Պուտինը իր լեհ գործընկերոջ՝ Դոնալդ Տուսկի հետ բանակցություններից հետո կոչ է արել զարգացնել հարաբերությունները երկու երկրների միջեւ, իսկ Երկրորդ համաշխարհային պատերազմի վիճելի հարցեր պարունակող պատմական էջերը թողնել պատմաբանների քննարկմանը: Այն, որ ներկայումս երկու երկրների հարաբերությունները վերելք են ապրում, ԼՁԸՀ-ՁԸհհ-ի փոխանցմամբ, ընդունել են երկու վարչապետներն էլ եւ պայմանավորվել ակտիվացնել համագործակցությունը մի շարք ոլորտներում:
Հիշեցնենք, որ երեկ Լեհաստանում տեղի էին ունենում միջոցառումներ՝ նվիրված Երկրորդ համաշխարհային պատերազմի մեկնարկի 70-ամյակին, իսկ, այսպես կոչված, «վիճելի» հարցը վերաբերում էր 1940-ին, Խատինում Կրեմլի հրահանգով իրականացված 22 հազար լեհ քաղաքացիների գնդակահարությանը, որը լեհերը որակել են որպես ցեղասպանություն:
Հիշեցնենք, որ Թուրքիայի պնդմամբ էլ պատմաբանների քննարկմանն է թողնվում Հայոց ցեղասպանության փաստը:
