Իսպանիայի Կոլոնա քաղաքում սկսել է գործել առաջին հայկական եկեղեցին: Կոլոնայի քաղաքապետարանի հետ համաձայնության շնորհիվ կաթոլիկ եկեղեցու քաղաքային մատուռներից մեկը 30-ամյա ժամկետով վարձակալության է տրվել Հայ առաքելական եկեղեցուն: Այդ մասին հաղորդում է invoctory.org-ը՝ հղում անելով PanARMENIAN.net-ին: Հայաստանի եւ Իսպանիայի միջեւ դիվանագիտական հարաբերությունները հաստատվել են 1992թ., սակայն մինչ այժմ Իսպանիայում հայկական եկեղեցի չկա: Վերջապես Ամենայն հայոց Գարեգին Բ կաթողիկոսի հանձնարարությամբ՝ կայացել է Հայաստանի Հանրապետության Սփյուռքի նախարարի՝ Իսպանիայի հայ համայնքի հարցերով խորհրդական Գասպար Պետրոսյանի եւ Արեւմտյան Եվրոպայում կաթողիկոսական նվիրակ Նորվան արքեպիսկոպոս Զաքարյանի հանդիպումը՝ Իսպանիայում հայ համայնքի հոգեւոր կենտրոնի զարգացման հարցի քննարկման նպատակով:
