Բայց դրա փոխարեն ուզում է ընդունել Եվրոպայի մեկ այլ առաջնություն:
Որքան էլ ցավալի է, Հայաստանի բռնցքամարտի ֆեդերացիայի՝ 2010 թվականի Եվրոպայի առաջնությունը Երեւանում անցկացնելու մտքից հրաժարվելու մասին տեղեկացանք օրերս արտասահմանյան լրատվական գործակալություններից, ըստ որի՝ Հայաստանի բռնցքամարտի ֆեդերացիան (ՀԲՖ) այդ հարցով արդեն պաշտոնապես դիմել է մարզաձեւի Եվրոպական միությանը:
Երեկ ՀԲՖ-ի գլխավոր քարտուղար Լյովա Հովհաննիսյանը հաստատեց այդ լուրը: Բայց նաեւ հավելեց. «Հայաստանի ֆեդերացիան Եվրոպայի մեծահասակների առաջնության փոխարեն ցանկանում է ընդունել եկող տարվանից առաջին անգամ կազմակերպվող Եվրոպայի 19-22 տարեկանների առաջնությունը: Թե Եվրոպական միությունը մեր դիմումին եւ նոր առաջարկին ի՞նչ ընթացք կտա, հայտնի կդառնա սեպտեմբերի 10-ին»:
