Հայաստանում չվերթների գների բարձր լինելը պայմանավորված է առաջին հերթին վառելիքի բարձր գներով: Երեկ ասուլիսում այս մասին նշեց «Արմավիա» ընկերության կոմերցիոն տնօրենի պաշտոնակատար Թերեզա Ղազարյանը: Նա լրագրողներին տեղեկացրեց, որ սեպտեմբերի 4-ին Փարիզում «Արմավիա» եւ «Էյր Ֆրանս» ընկերությունների միջեւ կնքվել է համագործակցության պայմանագիր, ինչի արդյունքում Երեւան-Փարիզ եւ հակառակ ուղղությամբ չվերթները բավականին ավելացել են: Թ. Ղազարյանը նշեց, որ նոր պայմանագիրը կնպաստի երկու երկրների փոխհարաբերությունների սերտ զարգացմանը՝ հատկապես էկոնոմիկայի ու տուրիզմի բնագավառներում:
Ի պատասխան ավիատոմսերի գների փոփոխության վերաբերյալ հարցին, տիկին Ղազարյանը նշեց, որ «առայժմ նման հարց չի քննարկվում»:
