Վրաստանում տեղի ունեցած երկրաշարժի ցնցումները հասան Հայաստանի սահմանակից շրջաններ: Սեպտեմբերի լույս 8-ի գիշերը Նոյեմբերյան քաղաքի բնակիչները արթնացան ուժեղ ցնցումից: Նրանք զգացել են ստորգետնյա ցնցման 3 ալիք: Հարվածի ալիքը ոչ թե ուղղահայաց, այլ երկայնական էր: Նոյեմբերյան քաղաքի բնակիչ Սուրիկ Զալինյանի առանձնատան պատի մի մասը երկրաշարժից փլվել է: Տարերքի հարվածը զգացվել է նաեւ Իջեւան քաղաքում:
