ԻԻՀ մշակույթի եւ իսլամական առաջնորդման նախարարության մամուլի եւ տեղեկատվության վարչությունը մտադիր է հոկտեմբերի 20-27-ը Թեհրանում անցկացնել մամուլի եւ լրատվական գործակալությունների միջազգային 16-րդ ցուցահանդեսը՝ աշխարհի 50 երկրների մասնակցությամբ։ Ցուցահանդեսի անցկացման նպատակը նրանում մասնակցող լրատվամիջոցների ծանոթությունն է միմյանց հետ, լրատվամիջոցների միջեւ երկկողմ համագործակցության համաձայնագրերի միջոցով երկարաժամկետ հարաբերությունների հաստատումը, հրավիրված լրատվամիջոցների համախոհությունը տարածաշրջանային եւ համաշխարհային կարեւորագույն հարցերի վերաբերյալ եւ, հնարավորության դեպքում, տարածաշրջանային ու համաշխարհային լրատվամիջոցների միությունների ստեղծումը։