Սիրողական բռնցքամարտի աշխարհի առաջնությունը թեւակոխում է վճռորոշ փուլ:
Միլանի ռինգում մեր հանրապետության ներկայացուցիչներից պայքարը շարունակում են երեք բռնցքամարտիկներ: Նրանցից 48 կգ քաշային Հովհաննես Դանիելյանը, տանելով հերթական տպավորիչ հաղթանակը, 12:3 հաշվով առավելության հասավ Հարավաֆրիկյան Հանրապետությունից Լեբոգանգ Պիլանի նկատմամբ, մտավ քառորդ եզրափակիչ, որտեղ հանդիպելու է մոնղոլ Սերդումբա Պուրեվդորջի հետ: Եթե մեր բռնցքամարտիկը կարողանա հաղթահարել նաեւ այս արգելքը, իր համար կապահովի առնվազն բրոնզե մեդալ:
Հայաստանի ազգային հավաքականի մյուս երկու անդամները՝ 57 կգ քաշային Ազատ Հովհաննիսյանը եւ Անդրանիկ Հակոբյանը ռինգ մտան երեկ ուշ գիշեր: