Ֆրանսիայի նախագահը կարող է լքել Պիտսբուրգում կայանալիք «20-յակի» գագաթաժողովը, եթե այնտեղ կոնկրետ որոշումներ չընդունվեն: ԼՁԸՀ-ՁԸհհ–ի մատուցմամբ, այդ մասին հայտարարել է Ելիսեյան պալատի գլխավոր քատուղար Կլոդ Գեանը՝ «Էր-տե-էլ» ռ/կ-ին տված հարցազրույցում: Նա շեշտել է, որ Ֆրանսիայի նախագահի այդ քայլին հարկ է վերաբերվել «ամենայն լրջությամբ»՝ հավելելով, որ Նիկոլա Սարկոզին «շատ վճռականորեն» է տրամադրված: «Ճիշտ նույն կերպ նա տրամադրված էր նաեւ Լոնդոնում տեղի ունեցած գագաթաժողովից առաջ, ուր Ֆրանսիայի նախագահին հաջողվեց հասնել նրան, որ «20-յակը» հավանություն տվեց հարկային դրախտի երկրների գոյությանը վերջ տալու նրա առաջարկին: Հիմա նախագահը մտադիր է էական առաջընթացի հասնել նաեւ մյուս փաստաթղթերի առնչությամբ»,- ասել է Կլոդ Գեանը: