Անտվերպենում մեկնարկած շախմատի 15-րդ կարգի «InventiChess 2009» միջազգային մրցաշարի հինգերորդ տուրում շախմատի համաշխարհային օլիմպիադայի հաղթող, հայաստանցի գրոսմայստեր Գաբրիել Սարգսյանը տարավ երկրորդ անընդմեջ հաղթանակը: Նա հինգերորդ տուրում պարտության մատնեց Անգլիայի ներկայացուցիչ Դեւիդ Հաուելին եւ արդեն 3,0 միավորով սլովենուհի Աննա Մուզիչուկի հետ միասին բաժանում է 3-4-րդ հորիզոնականները: Գաբրիել Սարգսյանից առաջ են միանձնյա առաջատար Էմիլ Սուտովսկին (Իսրայել)՝ 4,0 միավոր եւ Էտյեն Բակրոն (Ֆրանսիա)՝ 3,5:
Վեցերորդ տուրում Գաբրիելը խաղում է հնդիկ գրոսմայստեր Կրիշնան Սասիկիրանի հետ:
