«Արամ Խաչատրյան» համերգասրահում այսօր կկայանա կոմպոզիտոր Տիգրան Մանսուրյանի ծննդյան 70-ամյակին նվիրված հոբելյանական համերգ: Հանդես կգան Հայաստանի պետական ֆիլհարմոնիկ նվագախումբը (դիրիժոր՝ Էդ. Թոփչյան) եւ մենակատարները, այդ թվում կոմպոզիտորի ավստրալաբնակ քույրը՝ երգչուհի Արաքս Մանսուրյանը:
Մեծանուն կոմպոզիտորի ստեղծագործությունները մշտապես գտնվում են արեւմտյան երաժշտագետների եւ արվեստաբանների ուշադրության կենտրոնում, մինչդեռ հայրենիքում, լայն հասարակության շրջանում, Տիգրան Մանսուրյանի անունը ասոցացվում է ընդամենը «Կտոր մը երկինք» ֆիլմի երաժշտության հետ: Պատճառը հավանաբար այն է, որ շուրջ կեսդարյա ստեղծագործական ուղի անցած արվեստագետի մասին անգամ փոքրիկ բրոշյուր չկա հրատարակված: Տիգրան Մանսուրյանի հետ հարցազրույցը՝ առաջիկայում: