«Թուրքիան Հայաստանի հետ ունի 300 կմ սահման, որով ավելի քան 20-25 հազար թուրք զինվոր կարող է մտնել Հայաստան։ Մենք պատրաստ ենք ցանկացածի, թող չվախեցնեն. ոչխարն էլ է քանակով շատ լինում»,- երեկ մամուլի ասուլիսում հայտարարեց ԼՂՀ պաշտպանական բանակի նախկին հրամանատար Սամվել Բաբայանը։ Այս հարցում ՀՅԴ-ի ընդվզման քայլը բանախոսը բնական է համարում, քանի որ՝ «Դաշնակցությունն այլընտրանք չուներ»: Լուրջ չհամարելով ԱԳ նախարարի հրաժարականի պահանջը՝ նա միեւնույն է՝ գտնում է, որ բոլորը պետք է օգնեն ՀՅԴ-ի ձեռնարկին, եւ առաջարկում է. «Համախմբվենք ու ընտրենք լիդերին»:
