Երեկ, Փոստի համաշխարհային օրվա առթիվ, «Հայփոստ» ընկերությունը Մասիս քաղաքում բացեց փոստային մասնաճյուղ եւ կից գործող թիվ 001 բաժանմունքը:
«Հայփոստի» մամուլի եւ հասարակայնության հետ կապերի բաժնից հայտնում են, որ ամբողջովին փոխվել եւ նորացվել են ենթակառույցները, տեղադրվել են արդի ծրագրերին համապատասխանող նոր համակարգիչներ, նորացվել է մալուխային համակարգը եւ այլն: Ընկերությունը նախատեսում է մինչեւ տարեվերջ բացել մոտ 40 նորացված փոստային մասնաճյուղ եւ բաժանմունք: 2010 թ. այդ թիվը կհասցվի 250-ի: Առաջիկայում էլ կմեկնարկի կադրերի վերապատրաստման ծրագիրը: Ինչպես նաեւ կսկսվեն On-Line ցանցի ներդրման աշխատանքները: Ընկերության պատասխանատուները նախատեսում են «Հայփոստը» դարձնել միջազգային չափանիշներով փոստային եւ ֆինանսական ծառայություններ մատուցող փոստային օպերատոր: