Հայաստանի ազգային կինոկենտրոնի եւ ՀՀ պաշտպանության նախարարության համատեղ նախաձեռնության՝ հայկական ֆիլմերի ցուցադրությունների հաջորդ միջոցառումը կայացավ վերջերս՝ Սյունիքի տարածքում տեղակայված զորամասերում: Հայաստանի ազգային կինոկենտրոնից տեղեկացրին, որ այս անգամ ընտրվել էին Ալբերտ Մկրտչյանի «Տխուր փողոցի լուսաբացը», Թորգոմ Նալբանդյանի «Հասա, մերոնք են», Խաչատուր Մարգարյանի «Սրնգափողի մենանվագ» ֆիլմերը, ռեժիսոր Գագիկ Հարությունյանի՝ Վազգեն Սարգսյանի «Ամենաթանկ պարգեւը» պատմվածքի հիման վրա նկարահանված «Խնկարկումը»:
Ինչպես նշեց Հայաստանի ազգային կինոկենտրոնի տնօրեն Գեւորգ Գեւորգյանը, հայկական ֆիլմերի ցուցադրությունը զորամասերում մեծ աշխուժություն է առաջացրել թե սպայակազմի եւ թե զինվորների շրջանում: