Աֆղանստանում ծառայող ամերիկացի զինվորականները շուտով թույլտվություն կստանան վճարել այն թալիբներին, որոնք կհրաժարվեն աֆղանական իշխանությունների դեմ զինված պայքարից: Հենց այդպիսի դրույթ է պարունակում օրինագիծը, որը չորեքշաբթի օրը պետք է իր ստորագրությամբ վավերացնի ԱՄՆ նախագահ Բարաք Օբաման: Իրաքում ամերիկացի սպաները արդեն վաղուց հնարավորություն ունեն ֆինանսական պարգեւատրումներ հատկացնել այն գրոհայիններին, որոնք կհրաժարվեն գործող ռեժիմին զինված դիմադրություն ցույց տալ: Բայց ահա Աֆղանստանում նման պրակտիկան պաշտոնապես չի կիրառվել: «BBC»-ի փոխանցմամբ, օրենքի վավերացումից հետո նախատեսվում է ստեղծել այդ նպատակներին ծառայող հատուկ հիմնադրամ, որի հաշվին կփոխանցվի 1,3 մլրդ դոլար:
