«Ինտերֆաքսի» փոխանցմամբ, չորեքշաբթի օրը հինգ բրիտանացի զինվորական է զոհվել եւ եւս հինգը վիրավորվել է Աֆղանստանի Գելմենդ գավառում՝ տեղի ոստիկանի կողմից արձակված կրակոցներից: Բրիտանական ոստիկանության ներկայացուցչի ասելով, զինվորների սպանության շարժառիթները հայտնի չեն: Մեծ Բրիտանիայի վարչապետ Գորդոն Բրաունը հայտարարել է, թե զինվորների սպանությունը «մեծ կորուստ» է: Հիշեցնենք, որ 2001թ.-ից ի վեր Աֆղանստանում զոհվել է 229 բրիտանացի զինծառայող:
