Ուկրաինայի նախարարների կաբինետը որոշել է գրիպի համաճարակի առնչությամբ չհետաձգել Կիեւում մանկական «Եվրատեսիլի» անցկացման ժամկետները: Ինչպես «Արմինֆոյի» փոխանցմամբ հաղորդում է «Կոմերսանտ-Ուկրաինա» թերթը, միջոցառումը կանցկացվի նոյեմբերի 16-21-ը՝ Ուկրաինայի մայրաքաղաքում: Մրցույթի կազմակերպիչ Ուկրաինայի ազգային հեռուստաընկերությունն արդեն դիմել է առողջապահության նախարարությանը՝ խնդրելով հիվանդության կանխարգելման հանձնարարականներ մշակել մանկական «Եվրատեսիլի» մասնակիցների համար: Հիշեցնենք, որ այս պահի դրությամբ Ուկրաինայում լաբորատոր եղանակով հաստատվել է A/H1N1 գիպով հիվանդանալու 17 դեպք:
