FIA-ի նախկին նախագահ Մաքս Մոսլին պատրաստվում է դիմել Մարդու իրավունքների եվրոպական դատարան՝ իր անձնական կյանքը պաշտպանելու համար, գրում է «Chempionat,ru»-ն: Հիշեցնենք, որ Մոսլին մինչ այդ 60 հազար ֆունտ փոխհատուցում է ստացել «News of the World» խմբագրության կողմից, որը հրապարակել էր որոշ մանրամասներ նրա անձնական կյանքից: Մոսլին ուզում է հասնել նրան, որպեսզի զանգվածային լրատվամիջոցների խմբագիրներին ստիպեն տեղյակ պահել իրենց «հերոսներին»՝ նրանց մասին նյութեր հրապարակելուց առաջ: «Ես կարծում եմ, որ ճիշտ չէ քաղաքակիրթ հասարակությունում թույլ տալ, որ ինչ-որ ամսագրի խմբագիր ինչ-որ մեկի ընտանիքը քայքայի կամ «փչացնի» նրա անձնական կյանքը»,- Մոսլիի խոսքերը ցիտում է բրիտանական «Guardian»-ը: