Վրաստանի ազգային անվտանգության խորհրդի նիստում որոշվել է բացել «Վերին Լարս» հսկիչ անցագրային կետը։ Քննարկմանը ներկա Վրաստանի նախագահ Միխայիլ Սահակաշվիլին նշել է, որ Վրաստանը չպետք է կորցնի տարանցիկ երկիր լինելու իր կարգավիճակը:
«Վերին Լարսի» բացումը կարող է նպաստել նաեւ Հայաստանի առեւտրային կապերի ակտիվացմանը, քանի որ այն մեր երկրի համար հանդիսանում է արտաքին տրանսպորտային ուղի: Ռուսաստանի եւ Վրաստանի սահմանին գտնվող «Վերին Լարս» ավտոմոբիլային անցակետի թողունակությունը, բացման դեպքում, կկազմի օրական 400 ավտոմեքենա: Անցակետը փակ է 2006 թվականից՝ շինարարության պատրվակով:
Նշենք, որ Ռուսաստանի Դաշնային մաքսային ծառայության ղեկավար Անդրեյ Բելյանինովը ավելի վաղ հայտարարել էր, որ տրանսպորտային միջոցների եւ բեռների փոխադրումն այս մաքսակետով հնարավոր կլինի իրականացնել միայն այն ժամանակ, երբ Ռուսաստանի ու Վրաստանի միջեւ վերականգնվեն դիվանագիտական հարաբերությունները: