Հայաստանի նկարիչների միությունը, Երեւանի քաղաքապետարանի «ՀայART» մշակութային կենտրոնը համատեղ այսօր ներկայացնում են Սամվել Սեւադայի գեղանկարչական եւ լուսանկարչական աշխատանքների մեծ ցուցահանդեսը՝ նվիրված նկարչի 60-ամյա հոբելյանին: Նույն օրը Նկարիչների միության առաջին հարկի ցուցասրահում տեղի կունենա նաեւ նրա գեղարվեստական լուսանկարների շքեղ ալբոմի շնորհանդեսը՝ լույսի եւ ստվերի խորհրդավոր միությունը բացահայտող գեղարվեստական լուսանկարների 200 աշխատանքներով ու 30 բանաստեղծություններով: