Ֆուտբոլի Հայաստանի երիտասարդական հավաքականը շաբաթ օրը Վազգեն Սարգսյանի անվան հանրապետական ստադիոնում հյուրընկալել էր Էստոնիայի իր հասակակիցներին: Եվրոպայի 2011 թվականի երիտասարդական առաջնության խմբային փուլի շրջանակներում անցկացված այդ հանդիպումում թիմերը մեկական գոլ փոխանակեցին: Հատկանշական է, որ «հայկական ֆուտբոլի հիվանդությունն» այդպես էլ չի բուժվում: Առաջին խաղակեսից հաշվի մեջ առաջ անցած մեր տղաները չկարողացան պահպանել առավելությունը եւ հանդիպման վերջին րոպեներին գնդակ բաց թողեցին:
Այսօր Ֆլեմինգ Սերիցլեւի գլխավորած թիմը նույն «Հանրապետականում» ուժերն է չափելու Իռլանդիայի հավաքականի հետ: