«Առավոտի» տեղեկություններով, մոտ օրերս ՀՀ նախագահ Սերժ Սարգսյանը կարող է հրամանագիր ստորագրել քաղբանտարկյալ, 2008թ. մարտի 1-ին «զանգվածային անկարգություններին մասնակցելու» եւ, իբր, ոստիկանության աշխատակցից զենք հափշտակելու համար 9 տարվա ազատազրկման դատապարտված Արա Հովհաննիսյանին ներում շնորհելու մասին: Այս տարվա հուլիսին խորհրդարանի ընդունած որոշումը «համաներում հայտարարելու մասին» նրա նկատմամբ չէր կիրառվել: Ի դեպ, սա այն քաղբանտարկյալն է, ով Համաժողովրդական շարժման հանրահավաքներին, նաեւ «Մարտի 1»-ին եղել էր կուբացի հեղափոխական «Չե Գեւարայի» պատկերով սեւ գույնի շապիկով, որը նախաքննական մարմինը 2008թ. հունիսի 11-ին Արայի բնակարանի խուզարկությամբ առգրավել էր որպես «իրեղեն ապացույց»:
Մեր տեղեկություններով, Ա. Հովհաննիսյանի առողջական վիճակն արդեն վաղուց լավ չէ. հիմա նա հիվանդ է թոքաբորբով:
