Մինչ Հայաստանում հեկտարներով անտառներ են ոչնչացվում եւ կանաչ զանգվածների փոխարեն գրեթե ամեն օր զվարճանքի ու սպասարկման նոր օբյեկտներ են վեր խոյանում, Գերմանիայում յուրաքանչյուր ծառ հատուկ ուշադրության է արժանանում:
Բեռլինի փողոցներում այսպիսի հարյուրավոր երիտասարդ ծառեր կան, որոնք մինչ հաստաբուն կդառնան ու կկարողանան սեփական ուժերով դիմակայել ուժեղ քամիներին ու տեղումներին, շրջապատված են փայտե հենարաններով: Եթե նորատունկ ծառը սկսում է փոքր-ինչ թեքված աճել, ապա այդ քաղաքի ծառերի համար պատասխանատուներն այն անմիջապես հատուկ շղթաների միջոցով ամրացնում են հենարաններին այնպես, որպեսզի ծառը ուղիղ աճի: Ընդհանրապես, անկախ նրանից, ծառը ծեր է, թե մատղաշ, Բեռլինի քաղաքային իշխանությունները յուրաքանչյուր ծառի համար մեծ խնամք են տանում՝ ժամանակին էտում են, ջրում, հողը փխրեցնում, տարածքը մաքրում աղբից:
