ՀՀ կառավարությունը երեկ որոշել է 22,282 միլիոն դրամ հատկացնել Սոցիալական ներդրումների հիմնադրամի եւ «Գյուղական տարածքների տնտեսական զարգացման ծրագրերի վերլուծության եւ կառավարման գրասենյակի» միջոցներով ՀՀ բոլոր 10 մարզերում իրականացվող համայնքների զարգացմանն ուղղված ծրագրերի համաֆինանսավորմանը:
Գումար է ստացել նաեւ ՀՀ մշակույթի նախարարությունը՝ Արագածոտնի, Սյունիքի, Վայոց ձորի, Կոտայքի, Լոռու մարզերի պատմության եւ մշակույթի մի շարք հուշարձանների եւ մայրաքաղաքի մշակութային օջախների վերականգնման ու նորոգման համար: