Հանրապետությունում «խոզի գրիպի» նոր դեպքեր չեն գրանցվել: Այս մասին հայտնել է հանրապետության գլխավոր վարակաբան Արա Ասոյանը: Նրա խոսքերով, ներկայումս հանրապետությունում «խոզի գրիպով» վարակված հիվանդների թիվը, ընդհանուր առմամբ, 25-ի է հասել: «Panorama.am»-ի փոխանցմամբ, նրանցից 23-ը «Նորք» ինֆեկցիոն հիվանդանոցում համապատասխան բուժումը ստանալուց հետո առողջացել են ու դուրս գրվել, իսկ 2-ը դեռեւս բուժվում են: Ա. Ասոյանի խոսքերով, հիվանդների առողջական վիճակը բավարար է:
Նշենք, որ հիվանդության թվի աճ հանրապետությունում չի գրանցվել նոյեմբերի 24-ից: Իսկ նոյեմբերի 23-ին հանրապետությունում «խոզի գրիպի» դեպքերը 24-ն էին:
