Երեկ Դուբայում կայացավ շախմատի ավանդական բաց առաջնության եզրափակիչ տուրը: Նախավերջին փուլից առաջ Հայաստանի հինգ ներկայացուցիչներից առավել գերադասելի ցուցանիշ ուներ գրոսմայստեր Հրանտ Մելքումյանը, որն իր անվան դիմաց ութ հնարավորից գրանցել էր 6,0 միավոր եւ առաջատարից ետ էր մնում ընդամենը կես քայլ:
Հանգամանքների հաջող զարգացման դեպքում մրցանակային տեղերի հավակնելու հույսեր ունեին նաեւ 5,5-ական միավոր վաստակած Գաբրիել Սարգսյանն ու Տիգրան Պետրոսյանը:
