Տնային պայմաններում մեղրի համեմատաբար մաքուր լինելը կարելի է ստուգել մի քանի տարբերակով:
1. Եթե մեղրի մեջ գցած չոր լավաշի կտորը մի քանի ժամ հետո ավելի չորանա, այն մաքուր է: Եթե լավաշի կտորը փափկեց, ուրեմն մեղրը անարատ չէ, այլ պատրաստված է շաքարաջրից:
2. Թղթի վրա բարակ շերտով քսում են մեղր եւ թուղթը այրում ծայրից:
Եթե կրակը հասնում է մեղրի շերտին, մի փոքր այրվում եւ հանգչում, ուրեմն մեղրը մաքուր է:
Եթե կրակը չի հանգչում, ուրեմն մեղրը անարատ չէ:
3. Մեղրով լցված գդալը պահում են կրակի վրա: Եթե այն այրվեց կապույտ բոցով, ապա մաքուր չէ: Ածխանալու եւ չայրվելու դեպքում մեղրը մաքուր է:
4. Մեղրը լուծում են անանուխի թունդ լուծույթի մեջ: Եթե լուծույթի գույնը անմիջապես պղտորվեց, ապա մեղրը մաքուր է:
5. Ծորացող մեղրի մեջ ընկղմեք շաքարի կտոր: Եթե այն որոշակի ժամանակից հետո լուծվեց, քայքայվեց, ապա այն մաքուր չէ:
Անարատ մեղրի մեջ շաքարի կտորը մնում է անփոփոխ:
6. Եթե բյուրեղացած մեղրը մատներով տրորելիս յուղի բյուրեղների նման շուտ հալչում է, ապա այն մաքուր է:
7. Մեղրը կաթեցրեք բութ մատի եղունգին: Եթե կաթիլը կլոր գնդիկի նման մնաց եղունգի վրա, ապա այն անարատ է:
Եթե կաթիլը տափակեց, փռվեց ու թափվեց, ապա այն անարատ չէ:
8. Ասեղը մտցնում են ծորացող մեղրի մեջ ու հանում: Եթե ասեղից ծորացող մեղրը կտրվի որոշակի հեռավորությունից եւ ձգվի վերեւ, ապա այն մաքուր է: Իսկ եթե ընկնի առանց վեր ձգվելու՝ մաքուր չէ:
Այս բոլորը, իհարկե, բազմակի անգամ փորձված եւ ստուգված են գործնականում: Ընտրեք եւ օգտագործեք միայն բնական մեղր:
