![\"\"](\"https://www.aravot.am/2010/aravot_arm/November/25/p15.jpg\")
Իրանի իշխանությունները ընդդիմադիր առաջնորդ, երկրի նախկին նախագահ Աքբար Հաշեմի Ռաֆսանջանիի որդուն ձերբակալելու հրաման են արձակել:
Մեհդի Ռաֆսանջանին (նկարում), որը մեղադրվում է հետընտրական անկարգություններ հրահրելու մեջ, 2009 թվականի նախագահական ընտրություններից հետո բնակվում է Մեծ Բրիտանիայում: Այդ մասին հաղորդել է «Ազատություն» ռ/կ-ն: Նույն աղբյուրը Իրանի վերաբերյալ նաեւ մեկ այլ տեղեկություն է հրապարակել: Ըստ այդմ, Իրանը նոյեմբերի կեսից ժամանակավորապես դադարեցրել է ուրանի հարստացման աշխատանքները: Այդ մասին ասված է Ատոմային էներգիայի միջազգային գործակալության վերջին զեկույցում: Ցենտրիֆուգների աշխատանքների խափանման պատճառը չի նշվում: Միեւնույն ժամանակ, զեկույցում ասված է, թե փորձագետների գնահատմամբ՝ Իրանի ունեցած ցածր հարստացմամբ ուրանի պաշարները հարստացումից հետո բավական կլինեն առնվազն երկու միջուկային ռումբ ստանալու համար:
