Հայ գործազուրկների նպաստների չափն այլեւս կախված չի լինի նվազագույն աշխատավարձի չափերից (մինչեւ հիմա նպաստը կազմում էր նվազագույն աշխատավարձի 60%-ը): Երեկվա նիստում կառավարությունը նպատակահարմար համարեց նպաստի չափի որոշումը վերապահել իրեն: Կառավարության այս որոշումը, թերեւս, պայմանավորված է նրանով, որ տարեսկզբին նվազագույն աշխատավարձը ավելացավ 2500 դրամով: Եթե նման որոշում չընդունվեր, ապա ներկայիս 18 000 դրամ գործազրկության նպաստի փոխարեն գործազուրկը կստանար 19500 դրամ:
