Կառավարության երեկվա նիստում որոշում է ընդունվել Արեւմտյան Հայաստանում եւ Օսմանյան Թուրքիայի այլ վայրերում մինչեւ 1915 թվականը (ներառյալ) ծնված եւ Հայոց ցեղասպանությունը վերապրած հայերին տալ 25 հազար դրամ ամենամսյա դրամական օգնություն՝ այն վճարելով յուրաքանչյուր ամսվա կենսաթոշակի հետ ընդհանուր գումարով։ Նկատի ունենալով, որ այդ մարդկանցից ամենաերիտասարդը 96 տարեկան է, կարելի է վստահ լինել, որ պետական բյուջեի վրա այս որոշումը որեւէ ծանրաբեռնվածություն չի ունենա:
